تازہ ترین

Archive For July 8, 2017

لیگی وزرأ نے جے آئی ٹی کو مسترد کرنے کی تیاری کر لی

اسلام آباد: وفاقی وزراء نے کہا ہے کہ قطری شہزادے کی شہادت کے بغیر جے آئی ٹی کی رپورٹ قبول نہیں کریں گے، جےآئی ٹی پرسوالات اٹھ رہے ہیں، ہمیں انصاف ہوتا نظرنہیں آرہا، ارکان کا انتخاب روز اول سے ہی متنازع رہا ہے۔ دھرنوں سےپاکستان کوسی پیک کےمعاملے پربڑانقصان ہوا۔

ان خیالات کا اظہار وفاقی وزیر ریلوے خواجہ سعد رفیق اور وزیر پیٹرولیم شاہدخاقان عباسی، احسن اقبال اور خواجہ آصف نے اسلام آباد میں مشترکہ پریس کانفرنس سے خطاب کرتے ہوئے کیا۔

سپریم کورٹ کے حکم پر بنائی گئی جےآئی ٹی پر مسلم لیگ ن کے وزراء کی تنقیدی پریس کانفرنس میں شاہد خاقان عباسی کا کہنا تھا کہ منی ٹریل کے شواہد عدالت میں پیش کیے جاچکے تھے۔

جےآئی ٹی نے جوسوالات پوچھےان کا بھی جواب دیا گیا، جب سےجےآئی ٹی نےکام شروع کیاسوال اٹھ رہےہیں، شاہد خاقان عباسی نے کہا کہ ہمارےمعاشرے کی روایت ہے خواتین تفتیش میں شامل نہیں ہوتیں۔

وزیراعظم اور ان کی صاحبزادی مریم نواز نے تحفظات کے بغیر جے آئی ٹی میں پیش ہونے کا فیصلہ کیا، کڑے احتساب کے باوجود وزیر اعظم کے خلاف کرپشن ثابت نہیں ہوئی، عدالتوں کے پاس سوموٹو طاقت ہے لیکن ہم گھبرانے والےنہیں۔

Read more »

بھارتی فوج خراج عقیدت پیش کرنے پر ظلم کررہی ہے، والد برہان وانی

سری نگر: حریت کمانڈر شہید برہان مظفر وانی کے والد نے کہا ہے کہ بھارتی فوج بیٹے کو خراج عقیدت پیش کرنے کے لیے آنے والے لوگوں کا راستہ روک رہی ہے اور اُن پر ظلم کررہی ہے۔

بھارتی ٹی وی کو انٹرویو دیتے ہوئے برہان وانی کے والد نے کہا کہ برسی سے ایک روز پہلے ہی بھارتی فوج نے سب کچھ بند کردیا، لوگ ہمارے گھر تعزیت کے لیے آنا چاہتے تھے۔

انہوں نے کہا کہ لوگوں کو روکنے کے لیے بھارتی فوج نے تشدد کا راستہ اختیار کیا اور نوجوانوں کو مارا پیٹا، گھر کےاطراف کے تمام راستوں کو بند کر کے لوگوں کا راستہ روکا گیا۔

یاد رہے آج حریت کمانڈر برہان وانی کی پہلی برسی منائی جارہی ہے، سوشل میڈیا پر نوجوانوں کو کشمیر کی آزادی کے لیے متحرک کرنے والے حزب المجاہدین کے کمانڈر کو گزشتہ برس بھارتی فوج نے شہید کیا تھا۔

برہان وانی کی شہادت کے موقع پر کشمیر میں جلسے جلوس اور ریلیاں منعقد کی گئی ہے جبکہ سوشل میڈیا پر نوجوان کمانڈر کو خراج عقیدت پیش کرنے کا سلسلہ بھی جاری ہے جس کے بعد برہان وانی پاکستان میں ٹرینڈ کررہا ہے۔

Read more »

زیادتی کا شکار طالبہ کو مردہ بچے کی پیدائش پر 30 سال قید

وسطی امریکی ملک ایل سلواڈور میں زیادتی کا شکار ایک نوعمر طالبہ کے یہاں مردہ بچے کی پیدائش پر اسے 30 سال قید کی سزا سنا دی گئی۔ عدالت کا مؤقف ہے کہ اس نے بچے کی مناسب نگہداشت نہیں کی جس کے باعث اس کی موت واقع ہوگئی۔

سلواڈور کے ایک قصبے سے تعلق رکھنے والی 19 سالہ طالبہ ایویلین کروز کو گزشتہ برس جرائم پیشہ گروہ کے ایک رکن کی جانب سے زبردستی جنسی تعلق رکھنے پر مجبور کیا گیا جس کے نتیجے میں وہ حاملہ ہوگئی۔

نو عمر طالبہ کو اپنے حاملہ ہونے کا اندازہ نہیں ہوا حتیٰ کہ آخری دنوں میں اس کی والدہ اسے پیٹ میں شدید درد کی شکایت کے باعث اسپتال لے گئیں جہاں اس پرانکشاف ہوا کہ وہ بچے کو جنم دینے والی ہے۔

بعد ازاں طالبہ نے بچے کو باتھ روم میں جنم دیا جو مردہ تھا۔ ڈاکٹرز یہ اندازہ لگانے میں ناکام رہے کہ آیا بچے کی موت پیدائش سے قبل واقع ہوچکی تھی یا دنیا میں آنے کے بعد ہوئی۔

سلواڈور میں اسقاط حمل پر پابندی کے قانون کے باعث مردہ بچے کی پیدائش کے بعد پولیس حرکت میں آئی اور جاں بہ لب طالبہ کو اسپتال کے بستر پر اس وقت ہتھکڑیاں لگا دی گئیں جب وہ متعدد انفیکشنز اور طبی پیچیدگیوں کا شکار تھی۔

بعد ازاں مقدمہ عدالت میں چلا اور جج نے طالبہ کو بچے کی صحیح نگہداشت نہ کرنے کے جرم میں 30 سال قید کی سزا سنا دی۔

Read more »

ملالہ یوسفزئی کا ٹوئٹر پر پہلا دن، فالوورز کی تعداد لاکھوں تک جا پہنچی

لندن : نوبیل انعام یافتہ ملالہ یوسف زئی ہائی نے اپنی ہائی اسکول کی تعلیم مکمل ہونے کا جشن سماجی روابط کی مشہور ویب سائٹ ٹوئٹر پر اکاؤنٹ بناکر منایا ، جس کے بعد منٹوں میں فالوورز کی تعداد لاکھوں تک جا پہنچی۔

نوبیل انعام یافتہ ملالہ نے اسکول کی تعلیم مکمل ہوتے ہی سماجی رابطے کی ویب سائٹ ٹوئٹر کا حصہ بن گئیں اور پہلے ہی دن فالوورز کی تعداد ایک لاکھ سات ہزار تک پہنچ گئیں، ملالہ نومبر 2012 میں مائیکرو بلاگنگ سائٹ میں شامل ہوئی تھیں لیکن اس کے بعد ٹویٹ نہیں کیا، اس اکاؤنٹ کی تمام سرگرمیوں ملالہ فاؤنڈ کے زیر انتظام ہوتی ہے۔

ملالہ یوسف زئی کا پہلے ٹوئٹ میں کہنا تھا کہ یہ میرا اسکول کا آخری دن اور ٹوئٹر پر پہلا دن ہے ۔

 

ملالہ نے کہا کہ ہائی اسکول مکمل کرنا ان کے لیے ‘کھٹا میٹھا’ لمحہ ہے اور میں اپنے مستقبل کے بارے میں پرجوش ہوں .

 

واضح رہے کہ ملالہ یوسف زئی کو اکتوبر 2012 میں طالبان نے اسکول وین کے اندر نشانہ بنا کر گولی ماری دی تھی ، جس کے بعد
انھیں علاج کیلئے برطانیہ منتقل کیا گیا تھا ، وہ اس کے بعد سے وہیں مقیم ہیں۔

ملالہ یوسف زئی جنوری 1997 میں پیدا ہوئی، وہ خواتین کی تعلیم کی سرگرم رکن ہے جبکہ کسی بھی شعبے میں نوبل انعام وصول کرنے والے سب سے کم سن فرد ہونے کا اعزاز حاصل ہے، ملالہ کی وجہ شہرت اپنے آبائی علاقے سوات اور خیبر پختونخواہ میں انسانی حقوق، تعلیم اور حقوق نسواں کے حق میں کام کرنا ہے، جب مقامی طالبان کے لڑکیوں کو اسکول جانے سے روک دیا تھا۔

Read more »

غیرملکی فٹبالرز کو خوش آمدید کہتے ہیں، آرمی چیف

راولپنڈی: آرمی چیف آف اسٹاف جنرل قمر جاوید باجوہ نے کہا ہے کہ پاکستان پرامن کھیلوں کا دلدادہ ملک ہے، پاکستان میں امن و امان کی فضا مستحکم ہونے کے بعد کھیلوں کی سرگرمیان رفتہ رفتہ بحال ہورہی ہیں، رونالڈینیو سمیت تمام غیر ملکی کھلاڑیوں کو خوش آمدید کہتے ہیں۔

پاک فوج کے تعلقات عامہ سے جاری بیان میں کہا گیا ہے کہ آرمی چیف کی جانب سے غیر ملکی فٹبالرز کے اعزاز میں تقریب منعقد کی گئی، جنرل قمر جاوید باجوہ نے غیر ملکی فٹبالرز سے ملاقات کی۔

دوران ملاقات آرمی چیف نے کہا کہ پاکستان میں امن و امان کی فضا مستحکم ہورہی ہے جس کے بعد کھیلوں کی سرگرمیاں رفتہ رفتہ بحال ہورہی ہیں، پاکستان کھیلوں کا دلدادہ ملک ہے کیونکہ ہم امن کے خواہش مند ہیں اور ہم جانتے ہیں کہ کھیلوں سے امن کو فروغ ملتا ہے۔

Read more »

انسانیت کے عظیم خادم عبدالستار ایدھی کی پہلی برسی

ہزاروں یتیموں کے والد‘ بے سہاروں کا سہارا ‘ دنیا کی سب بڑی ایمبولینس سروس کے بانی اور فلاحی خدمات میں پاکستان کی شناخت دنیا بھر میں منوانے والے ڈاکٹر عبدالستار ایدھی کی پہلی برسی 8 جولائی 2017 کو منائی جارہی ہے۔

ایدھی فاؤنڈیشن کے روح رواں عبدالستار ایدھی طویل عرصے تک گردوں کے مرض میں مبتلا رہنے کے بعد گزشتہ برس انتقال کرگئے تھے ‘ علاج کی ہر ممکن آفرز کے باوجود انہوں نے پاکستان سے باہر علاج کرانا گوارا نہیں کیا۔

ان کے انتقال سے جہاں ایدھی فاؤنڈیشن کے سرسے ان کے بے پناہ محبت کرنے والے بانی کا سایہ اٹھ گیا وہی دنیا بھی انسانیت کے ایک ایسے خادم سے محروم ہوگئی جس کی زندگی کا ایک ایک لمحہ انسانیت کی خدمت کے لیے وقف تھا‘ ان کی وفات سارے پاکستان ا ور دنیا بھر میں پھیلے ہوئے ان کے کروڑوں مداحوں کو سوگوار کرگئی تھی۔

ان کا مشن ان کی موت کے بعد بھی جاری و ساری ہے ‘ وہ خود بھی جاتے جاتے اپنی آنکھیں عطیہ کرگئے تھے جنہوں ایس آئی یو ٹی میں مستحق مریضوں کو لگایا گیا۔

Read more »

ٹام کروز کے پسندیدہ کام جو وہ ہر فلم میں کرتے ہیں

معروف ہالی ووڈ اداکار ٹام کروز کی حال ہی میں ریلیز ہونے والی فلم دی ممی کچھ خاص کامیابی تو نہ حاصل نہ کرسکی البتہ پاکستان میں یہ بہت ذوق و شوق سے دیکھی گئی جس کی وجہ اس کے ہیرو ٹام کروز کا ہر دلعزیز ہونا ہے۔

پاکستان میں ٹام کروز کے مداحوں کی کمی نہیں اور ان کی ریلیز ہونے والی ہر فلم پاکستان میں نہایت شوق سے دیکھی جاتی ہے۔ بطور ایکشن ہیرو بھی ٹام کروز کو یہاں خاصا پسند کیا جاتا ہے۔

لیکن کیا آپ جانتے ہیں ٹام کروز اپنی ہر فلم میں کچھ مخصوص کام ضرور انجام دیتے ہیں۔ ان کے کیرئیر کے آغاز سے لے کر اب تک آپ ان کی ہر فلم میں انہیں یہ کام کرتے ضرور دیکھیں گے۔

ائیں دیکھتے ہیں وہ کون سے کام ہیں۔

شرٹ اتارنا

ویسے تو اس کام کے لیے بالی ووڈ اداکار سلمان خان خاصے مشہور ہیں اور ان کے بارے میں کہا جاتا ہے کہ چاہے سین کی ڈیمانڈ ہو یا نہ ہو، وہ شرٹ اتار کر اپنی باڈی دکھانے کا کوئی موقع ہاتھ سے نہیں جانے دیتے۔

بغیر سانس لیے بھاگنا

ٹام کروز کے ایکشن والے مناظر میں اگر کہیں کسی موقع پر انہیں بھاگنا پڑجائے تو یوں محسوس ہوتا ہے جیسے وہ سانس روک کر بھاگ رہے ہیں۔

چھلانگ لگانا

ٹام کروز اپنی ہر فلم میں چھلانگیں لگاتے بھی دکھائی دیتے ہیں، اور لگتا ہے کہ یہ ان کا خاصا پسندیدہ کام ہے، تب ہی ایک بار معروف ٹی وی میزبان اوپرا ونفرے کے شومیں بھی وہ چھلانگیں لگانا نہیں بھولے۔

فضا میں لٹکنا

خطرناک ایکشن مناظر میں مجرم کا پیچھا کرتے ہوئے یا ہیروئن کو بچانے کے لیے فضا میں لٹک جانا بھی ٹام کروز کا محبوب مشغلہ ہے۔ یقین نہیں آتا تو یہ مناظر دیکھ لیں۔

Read more »

شیل آئل کمپنی سانحہ احمد پور شرقیہ کی ذمہ دار قرار

اسلام آباد: آئل اینڈ گیس ریگولیٹری اتھارٹی (اوگرا) نے سانحہ احمد پور شرقیہ کا ذمہ دار شیل آئل کمپنی کو قرار دے دیا۔ کمپنی پر 1 کروڑ روپے جرمانہ بھی عائد کردیا گیا۔

تفصیلات کے مطابق آئل اینڈ گیس ریگولیٹری اتھارٹی (اوگرا) نے سانحہ احمد پور شرقیہ کی تحقیقاتی رپورٹ جاری کردی۔ رپورٹ میں شیل آئل کمپنی کو قصور وار قرار دیتے ہوئے 1 کروڑ روپے جرمانہ عائد کر دیا گیا۔

اوگرا کا کہنا ہے کہ کمپنی کا آئل ٹینکر غیر معیاری تھا۔ ٹینکر نے اوگرا اور ایکسپلوسوز ڈپارٹمنٹ کے قوانین پورے نہیں کیے۔

اوگرا کے مطابق آئل ٹینکر کا فٹنس سرٹیفکیٹ بھی جعلی تھا جبکہ ٹینکر تکنیکی معیار پر بھی پورا نہیں اترتا تھا۔ 50 ہزار لیٹر تیل کی ترسیل کے لیے 5 ایکسل کا ٹینکر استعمال ہوتا ہے جبکہ حادثے کا شکار ٹینکر 4 ایکسل کا تھا۔

رپورٹ میں بتایا گیا ہے کہ مقامی انتظامیہ بھی بر وقت حرکت میں نہیں آئی۔ ٹینکر سے تیل بہتا رہا مگر جائے حادثہ کو محفوظ نہیں بنایا گیا۔ مقامی آبادی تیل برتنوں میں بھرتی رہی۔

Read more »

سرینگر: برہان وانی کی برسی پر بھارتی فوج کا کریک ڈاؤن

سرینگر: مقبوضہ کشمیر میں نوجوان حریت لیڈر برہان وانی کی برسی پر احتجاج کو دبانے کے لیے بھارتی فورسز نے کریک ڈاؤن شروع کردیا۔ مختلف علاقوں میں چھاپے اور گرفتاریاں کا عمل شروع ہوگیا۔ برہان وانی کی برسی پر کل مقبوضہ کشمیر میں مکمل ہڑتال کی جائے گی۔

تفصیلات کے مطابق تحریک آزادی کشمیر کو اپنے لہو سے نئی زندگی دینے والے برہان وانی کی برسی پر بھارتی فورسز بوکھلاہٹ کا شکار ہوگئی۔ کشمیریوں کے احتجاج کو روکنے کے لیے وسیع پیمانے پر کریک ڈاؤن شروع کردیا گیا۔

برسی سے ایک دن قبل بھارتی فورسز نے مختلف علاقوں میں چھاپہ مار کاروائیاں کرتے ہوئے متعدد کشمیری نوجوانوں کو گرفتار کرلیا۔ وادی میں انٹرنیٹ و موبائل سروس بھی بند کردی گئی جس کے بعد مقبوضہ وادی جیل میں تبدیل ہوگئی۔

وادی میں احتجاجی ریلیوں اور مظاہروں کو روکنے کے لیے بھارتی فوج کے 21 ہزار اضافی اہلکار تعینات کردیے گئے۔

حریت رہنماؤں کی اپیل پر کل برہان وانی کی برسی پر مقبوضہ کشمیر میں مکمل ہڑتال ہوگی۔

یاد رہے کہ بھارتی فوج نے گزشتہ سال کشمیری حریت پسند نوجوان برہان وانی اور ان کے 3 ساتھیوں کو شہید کردیا تھا۔ تینوں حریت پسند بھارتی فوج کو کئی سالوں سے مطلوب تھے جن کی گرفتاری کے لیے بھارتی فوج نے کئی بار کارروائیاں کیں تھیں تاہم ہر بار وہ ناکام رہے۔

برہان وانی کی شہادت کے بعد مقبوضہ وادی میں نئے سرے سے چنگاری بھڑک اٹھی اور لاکھوں کشمیری بھارتی بربریت کے خلاف سینہ تان کر کھڑے ہوگئے۔

Read more »

نوازشریف نےخوداپنےخلاف سازش کی ہے‘ شیخ رشید

کراچی: عوامی مسلم لیگ کےسربراہ شیخ رشید کا کہناہےکہ نیاوزیراعظم کون ہوگا،فیصلہ نوازشریف نےکرناہے۔

تفصیلات کےمطابق کراچی میں عوامی مسلم لیگ کےسربراہ شیخ رشید نے میڈیاسےگفتگوکرتے ہوئےکہاکہ مرکزکےساتھ صوبوں کی اسمبلیاں بھی تحلیل ہونی چاہیے،صرف مرکزکوتحلیل کیاگیاتوقبول نہیں کریں گے۔

شیخ رشید کا کہناتھاکہ نوازشریف کے پاس حکومت کرنےکاجوازنہیں رہا۔انہوں نےکہاکہ نوازشریف نے2تہائی اکثریت آنے کےبعد خود اپنے پیرپرکلہاڑی ماری۔

عوامی مسلم لیگ کےسربراہ کا کہناتھاکہ شریف خاندان کی تلاشی کرانےکاکریڈٹ عمران خان کوجاتاہے۔انہوں نے کہاکہ آج اسفندیارولی اورمولانافضل الرحمان نوازشریف کےساتھ نہیں ہیں۔

شیخ رشید نےکہاکہ عمران خان کےکہنےپرپی ایس114کےامیدوارکوسپورٹ کررہاہوں،پوری امیدہےپی ایس114سےعمران خان کاامیدوارجیتےگا۔

Read more »

پولش خاتون اول نے ٹرمپ کے ساتھ ہاتھ کر دیا

وارسا: دنیا بھر کے رہنماؤں کو اپنے بے تکے مصافحوں سے گڑبڑا دینے والے امریکی صدر ڈونلڈ ٹرمپ اس وقت شدید خفت کا شکار ہوگئے جب پولینڈ کی خاتون اول نے ان کا مصافحہ نظر انداز کر کے میلانیا ٹرمپ سے ہاتھ ملا لیا۔

ڈونلڈ ٹرمپ آج کل یورپی ملک پولینڈ میں ہیں جہاں انہوں نے پولش صدر اندریز ڈوڈا اور ان کی اہلیہ اگاتھا ڈوڈا سے ملاقات کی۔

ملاقات اورفوٹو سیشن کے بعد دونوں جوڑوں نے رسمی طور پر ایک دوسرے سے مصافحہ کیا۔

اس موقع پر پولش خاتون اول ہاتھ ملانے کے لیے آگے بڑھیں تو ٹرمپ نے اپنا ہاتھ آگے بڑھا دیا، لیکن پولش خاتون اول نے انہیں نظر انداز کردیا اور امریکی خاتون اول میلانیا ٹرمپ سے ہاتھ ملا لیا۔

پولش خاتون اول کی اس حرکت پر ٹرمپ شرمندگی سے انہیں دیکھتے رہ گئے۔

Read more »

لندن میں ایک ساتھ ورزش کرنے کا عالمی ریکارڈ قائم

لندن : تین ہزار آٹھ سو افراد نے ایک ہی وقت میں ایک ساتھ 30 منٹ تک ورزش کر کے نیا ورلڈ ریکارڈ قائم کردیا۔

تفصیلات کے مطابق اپنی صحت کے معاملے میں فکر مند اور بڑھتے ہوئے موٹاپے سے پریشان لندن کے تین ہزار آٹھ سو شہریوں نے تیش منٹ تک اجتماعی ورزش کرکے نیا ورلڈ ریکارڈ بنا ڈالا جس کا مقصد دنیا کو ورزش کے فوائد سے آگاہ کرنا اور اس کی ضرورت کو اجاگر کرنا تھا۔

اجتماعی ورزش کی یہ انوکھی روایت لندن کے ہائیڈ پارک میں ہزاروں افراد نے مل کر ڈالی اور دنیا کو ایک خوشگوارپیغام دیتے ہوئے نیا عالمی اور منفرد ریکارڈ بنانے میں کامیاب ہو گئے۔

تین ہزار سے زائد شہریوں نے مشترکہ ورزش کا یہ کارنامہ معروف فٹنس ٹرینر جوئے وکس کی سربراہی میں انجام دیا جو دنیا بھر میں آن لائن فٹنس ٹریننگ نے دیتے ہیں اور اب کی بارانہوں نے نیا ریکارڈ بنانے کی ٹھانی۔

مشہور فٹنس ٹرینر جوئے وکس کی دعوت پر تین ہزار آٹھ سو چار افراد نے ایک جگہ جمع ہوکر پورے تیس منٹ تک ورزش کی اور گنیز بک آف ورلڈ ریکارڈ میں اپنا نام درج کرانے میں کامیاب ہو گئے۔

Read more »

چاکلیٹ کا عالمی دن چاکلیٹ کھا کر منائیں

کہا جاتا ہے کہ اب سے 467 سال قبل آج ہی کے دن یورپ میں پہلی بار چاکلیٹ متعارف کروائی گئی تھی اور یہ دن اسی کی یاد میں منایا جاتا ہے۔

دنیا بھر میں چاکلیٹ کی مختلف اقسام پائی جاتی ہیں جن میں تلخ، کھٹے اور پھیکے ذائقے جبکہ سفید، سیاہ اور بھورے رنگ کی چاکلیٹس شامل ہیں۔

ماہرین کا کہنا ہے کہ بظاہر دانتوں کے لیے نقصان دہ سمجھی جانے والی چاکلیٹ جسمانی و دماغی صحت پر نہایت مفید اثرات مرتب کرتی ہے۔

چاکلیٹ کھانے کے فوائد

آئیں دیکھتے ہیں کہ چاکلیٹ کھانے سے ہم کیا کیا فوائد حاصل کرسکتے ہیں۔

ایک امریکی طبی جریدے میں چھپنے والی ایک تحقیق کے مطابق باقاعدگی سے چاکلیٹ کھانا دماغی کارکردگی میں اضافہ کرتا ہے۔

چاکلیٹ کھانے والوں کی یادداشت ان افراد سے بہتر ہوتی ہے جو چاکلیٹ نہیں کھاتے یا بہت کم کھاتے ہیں۔

دراصل چاکلیٹ دماغ میں خون کی روانی بہتر کرتی ہے جس سے یادداشت اور سیکھنے کی صلاحیت میں اضافہ ہوتا ہے۔

ایک تحقیق کے مطابق ناشتے میں چاکلیٹ کھانے والے افراد دن بھر چاک و چوبند رہتے ہیں اور وہ اپنے کاموں میں زیادہ صلاحیت اور مستعدی کا مظاہرہ کرتے ہیں۔

براؤن چاکلیٹ جسم کو نقصان پہنچانے والے کولیسٹرول میں کمی کر کے مفید کولیسٹرول کو بڑھاتی ہے۔

یہی چاکلیٹ بلڈ پریشر کو معمول کی سطح پر رکھنے میں بھی مددگار ہے۔

براؤن چاکلیٹ دماغ میں سیروٹونین نامی مادہ پیدا کرتی ہے جس سے ذہنی دباؤ سے نجات ملتی ہے۔ چاکلیٹ ہمارے جسم کی بے چینی اور ذہنی تناؤ میں 70 فیصد تک کمی کرسکتی ہے۔

Read more »

سابق سیکریٹری خزانہ طارق باجوہ گورنر اسٹیٹ بینک مقرر

اسلام آباد: سابق سیکریٹری خزانہ اور سابق چیئرمین ایف بی آر طارق باجوہ کو گورنر اسٹیٹ بینک تعینات کردیا ہے جس کا نوٹیفیکشن جاری کردیا گیا ہے۔

تفصیلات کے مطابق وفاقی حکومت نے سابق سیکریٹری خزانہ اور سابق چیئرمین ایف بی آر طارق باجوہ کو گورنر اسٹیٹ بینک تعینات کردیا ہے۔ صدر ممنون حسین نے ان کی تقرری کی منظوری دے دی ہے جبکہ ان کی تقرری کا نوٹیفیکیشن بھی جاری کردیا گیا ہے۔

یاد رہے کہ 2 روز قبل وزیر اعظم کی صاحبزادی مریم نواز کی جے آئی ٹی میں پیشی کے موقع پر غیر یقینی سیاسی صورتحال کی وجہ سے راتوں رات ڈالر کی قیمت 4 روپے 20 پیسے تک بڑھ گئی تھی۔

قیمت میں اضافے کے بعد انٹر بینک میں ڈالر کو ساڑھے تین روپے اضافے کے ساتھ 108 روپے 30 پیسے میں فروخت کیا گیا۔ اوپن مارکیٹ میں بھی ڈالر 109 روپے 50 پیسے کے حساب سے فروخت کیا گیا۔

ڈالر کی قیمت میں اضافے کے بعد وفاقی وزیر خزانہ اسحٰق ڈار نے سخت برہمی کا اظہار کرتے ہوئے ذمہ داران کے خلاف کارروائی کا عندیہ دیا تھا۔

Read more »

پروفیشنل باکسنگ میں نمبر ون محمد وسیم کی ایک اور کامیابی

پاناما: پاکستان کے پروفیشنل باکسر محمد وسیم نے ایک اور کامیابی حاصل کرلی۔ محمد وسیم نے وسطی امریکی ملک پاناما کے باکسر کو دوسرے راﺅنڈ میں ناک آؤٹ کر کے عالمی رینکنگ میں اپنی پہلی پوزیشن مستحکم کرلی۔

تفصیلات کے مطابق صوبہ بلوچستان کے شہر کوئٹہ سے تعلق رکھنے والے پاکستانی باکسر محمد وسیم کا پاناما میں میزبان باکسر ایلیسر ویلڈیز سے ڈبلیو بی سی رینکنگ کے لیے مقابلہ ہوا۔

فلائی ویٹ کیٹگری کے 8 راﺅنڈز پر مشتمل مقابلے کے آغاز سے ہی محمد وسیم نے مخالف کھلاڑی پر بھر پور وار کیے جس سے ان کے مقابل ایلیسر ویلڈیز دفاع کرنے میں مکمل طور پر ناکام رہے۔

محمد وسیم کے مسلسل اور بھرپور حملوں سے مخالف باکسر دوسرے ہی راﺅنڈ میں ناک آﺅٹ ہوگیا۔

Read more »

Scroll Up